dyrfjallahlaup_final_2019 (1).png

ENGLISH

DYRFJALLAHLAUP

20.júlí 2019

23 km utanvegahlaup

Borgarfjörður eystri

 

Frá Hólalandi í Borgarfirði, í Stórurð og þaðan í Bakkagerðisþorp í Borgarfirði. 

Ungmennafélag Borgarfjarðar varð 100 ára 2017 og hélt af því tilefni utanvegahlaup um Dyrfjöll í fyrsta skipti. 2019 verður hlaupið haldið í þriðja sinn. 

 

Leiðarlýsing

Leiðin hefst við bæinn Hólaland í innsveit Borgarfjarðar. Þaðan er hlaupið upp til að byrja með eftir gömlum raflínuslóða sem liggur að Sandaskörðum. Þegar komið er langleiðina upp í Sandaskörð er beygt til hægri á merkta gönguleið sem liggur að Eiríksdalsvarpi. Frá varpinu er hlaupið um Tröllabotna, yfir Lambamúla áleiðis að Urðardal þar sem Stórurð liggur undir dyrum Dyrfjalla. Úr Stórurð er hlaupið upp bratta brekku í átt að Mjóadalsvarpi. Á krossgötum ofan Stórurðar er beygt til hægri og hlaupið eftir grófri slóð undir hömrum Dyrfjalla ofan Njarðvíkur og Dyrfjalladals. Leiðin liggur að Grjótdalsvarpi og þaðan er hlaupið að mestu á grónu landi að Brandsbalarétt sem er rétt fyrir innan þorpið Bakkagerði í Borgarfirði. Seinustu 700 metrana er hlaupið á malbiki að fótboltavelli UMFB þar sem hlaupið endar

Vegalengd 23km

Heildarhækkun: 1087m

Heildarlækkun: 1115m

Hæsti punktur: 683m.y.sm

Lægsti punktur: 16m. y.sm. 

 

Hér má sjá kort af leiðinni

Hér er Facebook síða hlaupsins

Skráning

Skráning fer fram á hlaup.is

Þátttökugjöld eru sem hér segir: 

Skráningar frá 1.janúar - 31.maí : 9.900 krónur

Skráningar 1.júní - 18.júlí: 10.900 krónur

18.júlí - 19. júlí: 11.900 krónur

Lokað verður fyrir skráningar á miðnætti 19.júlí 2017 kl 20:00.

 

Drykkjarstöðvar

Drykkjarstöðvar verða á þremur stöðum á leiðinni, á 6km, 12km og 18km  með vatn og orkudrykki. 

 

Verðlaun

Allir þátttakendur fá þátttökupening þegar þeir koma í mark.

Verðlaun verða veitt fyrir þrjú fyrstu sæti karla og kvenna. 

 

Skilmálar

Við skráningu í Dyrfjallahlaupið þarf þátttakandi að samþykkja skilmála hlaupsins. 

Skráður þátttakandi er ábyrgur fyrir gögnum sem honum eru afhent vegna hlaupsins (ss. hlaupanúmer). Óheimilt er að láta þriðja aðila fá þau gögn. Það er hægt að breyta skráningu á einu nafni yfir í annað fyrir 1.júlí, eftir það er nafnabreyting ekki heimil.

Þátttökugjald er ekki endurgreitt 

Dyrfjallahlaupið er á vegum Ungmennafélags Borgarfjarðar og verkefnisstjóri hlaupsins er Inga Fanney Sigurðardóttir sem jafnframt tekur við öllum ábendingum og spurningum er varða hlaupið ( ingafann@gmail.com )

 

Powered by Wikiloc

Track af leiðinni má finna hér: https://www.wikiloc.com/wikiloc/view.do?id=16271855

Á svæðinu er ýmis konar afþreying og þjónusta í boði. Á heimasíðu Ferðamálahóps Borgarfjarðar má finna gagnlegar upplýsingar um gistingu, matsölustaði, afþreyingu og aðra þjónustu á svæðinu.